مراحب
طفشان 
زهقان 
ماني رايق لك 
ماني فاضي لك 
بالله روقنا 
مالي حظ 
****************** ولم كل هذا ******************
لو تفكر فيها شوي وتاخذها من آصرها ( قاصرها )
تلقى 90 % من همومك خرطي
يعني مالها اصلا أي اهمية
فيه أشياء ما تستاهل ان الواحد يفكر فيها
او بالاصح اشياء وقعت وحدثت
وصارت من حاضرك
فبعد ما صارت
ليه (( لماذا )) تفكر وتشيل همها
خذ مثلا يعني هالموقف
لو فرضا طالع من الدوام
الساعة 3 عصرا ودرجة الحرارة 42 مئوية يعني حر موووووت
وانت في نصف الشهر تقريبا يعني الراتب توه وانت الحين مطفر
وترقيتك اخروها الى اشعار آخر
المهم وانت طالع من الدوام وماشي بين المواقف ولا تنسى انك جوعان وتفكر في الغدا والدنيا حر
وفجأه طلع لك اسد 
آسف قصدي
وفجأه لقيت السيارة مبنشره ( يعني الكفر نايم )
وش تسوي في الحاله
طبعا خوينا اللي قبل شوي الطفشان
راح يضرب برجلة الكفر ويمكن تنكسر رجله من القهر
وبعدها يطالع مدة عشره دقايق على السيارة وعلى الناس اللي حوله
ويتأفف ويقول انا ليه حظي كذا
ويزيد عنده الضغط والملح والسكر والكربوهيدرات
ويمكن يكلم زوجته ويشغلها بمشكلته
ويكلم اخوه الكبير ويحكي له الحكاية
ويكلم مديره ويقول ترا بكره يمكن ما اداوم
وفي الاخير
يخضع للامر الواقع
ويفتح الشنطه ويطلع االسبير
ويغير الكفر وهو يشكي من سوء حظه
طيب
لحظه لحظه لحظه 
*************************** وقفة تأمل *****************************
لو كان رفيقنا هذا من ذوي الدم البارد ( مثلي يعني )
لكان تصرفه أفضل
طالع من الدوام
وفي نفس الحالة اللي قبل شوي
ويلقى السيارة مبنشره
على طول
يقول
(((((( لا إله إلا أنت سبحانك إني كنت من الظالمين )))))))
ويفتح الشنطه
وما يضيع وقته
وفي خلال خمس دقايق
يغير الكفر 
ويروح للبيت
ويقول لزوجته
وبس 
يعني يا اخواني
اختصر لكم المسافه
في أشياء اذا حدثت ما ينفع اللوم فيها
يعني اللوم ما راح يزيدك الا هم وغم
لازم الواحد يتاقلم مع الوضع
ويحاول يبحث عن المتعه في الوضع الجديد
ويؤمن بالقدر والمكتوب مهما كان وصار
************ وسلامتكم ****************
جدا رائع وتصف حال الكثير بأسلوب
ولغة يفهمها الجميع
دام ابداعك وقلمك
رااائع يابو سعود ..
كلام جميل
با انتظار جلسه على الرصيق 6
تحياتي