حـبـيـبي لا الوهم عشته ولا مت بغرابيلك
ولا حـدتـنـي الـدنـيـا على شيٍ يبكيني
تـرى مـن حزة غيابك وانا ناسي مواصيلك
عـزيـز الـنفس ما تقدر ولو لحظه تعنيني
تـقـول انـك مـعذبني واقول بعيد ياحليلك
بـعـيـدٍ عـنـك يالجافي تغربني وتشقيني
أنـا لـي خـاطـرٍ يـقسا بعد حبك وتدليلك
وانـا لـو رحـت للغربه ادل ارجع عناويني
وأنـا لـو ذقـت حـرمانك ومرتني مواويلك
اصـد وابـتـسـم لـلـي مع الايام ناسيني
وأنـا لو ملت باحساسي وصار يروح ويجيلك
أعرف شلون تلعب بي وأعرف شلون تغليني
أمـيـز بـيـن حرمانك وجرحٍ من فراقي لك
وأعرف اللي تشمت بي واعرف اللي يواسيني
أحـب بـصـدق لـكني اذا صديت ما اجيلك
ولا اتـعـب عـلى شانك اذا شفتك تجافيني
أبـادل بـالـجـفـا طبعك ولا يمكن اناديلك
وأنـاجـي بـالـغلا عصفور لا غرد يناديني
اذا حـب الـبـشـر اعمى فلا تفرح بتحليلك
انـا مـا يـنـعـمي قلبي اذا عقلي يقديني
واذا قـصدك قصيدي فيك وشي من كلامي لك
فـانـا شـاعر وقالوها اهيم بعكس ما فيني
كـتـبـت الشعر من قبلك وزدته من تعاليلك
وصـارت دفـتـر الذكرى كلامٍ في دواويني
تـعـلـمت الوفاء منك وصدق الليل من ليلك
وتـعلمت الجفا بعدك وكذب الصبح في عيني
لا وضـح ولا فـسـر ولا ودي بـتـعـليلك
غـيـابـك شي جربته وصار بماضي سنيني
2003م
عن فيصل الصويمل
إقرأ أيضاً :
© جميع الحقوق محفوظة 2021